На прашањето, дали има пристигнато официјално барање и дали ова прашање е разговарано на седница на Советот за национална безбедност, за тоа какви би биле импликациите по националната безбедност, од кабинетот на претседателот информираат дека станува збор за првичен предлог од страна на премиерот на Хрватска и претседателот на Црна Гора, со оглед на тоа дека тие две држави веќе имаат искуство и капацитети за рехабилитација од воените дејствија во 1990-те
Идејата за отворање центри за рехабилитација на ранети и повредени украински војници во земјите од Западен Балкан, вклучително и Северна Македонија, начелно е прифатлива за нас, но потребно е конкретна разработка на деталите што ќе биде во надлежност на владите од земјите кои ќе земат учество во програмата, велат од кабинетот на претседателот на државата Стево Пендаровски откако за оваа идеја беше дискутирано на самитот Украина – Југоисточна Европа што се одржа во Тирана на 28 февруари.
„Идејата, начелно, е прифатлива за нас, при што е потребна конкретна разработка на деталите што ќе биде во надлежност на владите од земјите кои ќе изразат согласност да земат учество во оваа програма“,
се вели во одговорот од кабинетот на Пендаровски во изјава за МИА.
На прашањето, дали има пристигнато официјално барање и дали ова прашање е разговарано на седница на Советот за национална безбедност, за тоа какви би биле импликациите по националната безбедност, од кабинетот на претседателот информираат дека станува збор за првичен предлог од страна на премиерот на Хрватска и претседателот на Црна Гора, со оглед на тоа дека тие две држави веќе имаат искуство и капацитети за рехабилитација од воените дејствија во 1990-тите.
Идејата балканските држави, вклучително и Северна Македонија, да помогнат во рехабилитацијата на деца и војници од воените зони во Украина, како што објави на социјалната мрежа Икс претседателот на Украина, Володомир Зеленски, била дискутирана на средби со претседателите на Северна Македонија и на Црна Гора, Стево Пендаровски и Јаков Милатовиќ, на самитот Украина – Југоисточна Европа што се одржа во Тирана на 28 февруари.
Тој објави видео од средбата со Пендаровски, во кое беа претставени кратки делови од нивниот разговор, а во кои се слуша дека двајцата претседатели разговараат за можноста за формирање центар за рехабилитација за ранетите украински војници и украинските деца со помош на балканските држави.
Во видеото Пендаровски пред Зеленски го посочува претседателот на Хрватска, Зоран Милановиќ, и му објаснува дека тие имаат искуство од војната која се водела таму пред повеќе од 25 години.
Во објавата на Зеленски, по средбата со Пендаровски, се вели дека го информирал претседателот Пендаровски за моменталната ситуација на бојното поле и за одбранбените потреби на Украина, како и дека изразил благодарност за целата политичка поддршка и јасниот став за иднината на Украина во НАТО.
I met with North Macedonia’s President @SPendarovski and expressed gratitude for all of the political support and clear stance on Ukraine’s future in NATO.
— Volodymyr Zelenskyy / Володимир Зеленський (@ZelenskyyUa) February 28, 2024
I informed President Pendarovski of the current battlefield situation and Ukraine’s defense needs.
I emphasized the… pic.twitter.com/Sc3R8Hp1Yu
Во соопштението од кабинетот на претседателот Стево Пендаровски, по средбата со Зеленски во Тирана, беше наведено дека двајцата претседатели разговарале за последниот развој на случувањата во Украина и можностите за продлабочување на соработката во насока на поддршка на украинскиот народ и враќање на територијалниот интегритет на Украина во рамките на нејзините меѓународно признаени граници.
„Претседателот Пендаровски го реафирмираше ставот дека Северна Македонија од самиот почеток силно ја осудува агресијата на Руската Федерација врз Украина која претставува повреда на Повелбата на ОН и принципите на ОБСЕ. Воедно, претседателот ја поздрави одлуката на Европскиот совет за отворање на преговори за членство на Украина во ЕУ и истакна дека Северна Македонија, како земја членка на НАТО, останува посветена на политиката на отворени врати и ја поддржува апликацијата на Украина за членство во Алијансата“,
информираа од кабинетот на Пендаровски по средбата со Зеленски.
Хрватска во 2023 година, со одлука на владата, прими ранети Украинци и ги згрижи во своите здравствени установи.