Меѓу новите денешни 46 случаи на заразени има и еден вработен на Инфективната клиника во Скопје, информираше министерот за здравство Венко Филипче.
Станува збор за еден медицински техничар кој има клиничка слика на воспаление на белите дробови.
Направена е епидемиолошка анкета за неговите контакти со семејството, но и меѓу вработени, како и разговор со директорката на клиниката, па согласно тоа ќе се реорганизира и работата на одделението.
Филипче потенцира дека таму сите медицински сестри и техничари се целосно заштитени поради тоа што се во директен контакт со заболени со ковид-19.