И Џафери стави потпис за избори на 15 јули

Откако лидерите на СДСМ и на ВМРО-ДПМНЕ постигнаа консензус за изборниот датум, претседателот на парламентот го измени првичното решени за распишување на изборите, според кое тие требаше да се одржат на 12 април

Ново решение за избори на 15 јули, наместо на 12 април, потпишал синоќа претседателот на парламентот Талат Џафери, откако лидерите на СДСМ и на ВМРО-ДПМНЕ објавија дека постигнале согласност за изборниот датум.

Донесена уредбата за изборите: Кампањата почнува на 24 јуни, гласањето ќе трае до 21 часот

Во соопштение до медиумите, Џафери информира дека го изменил решението на одлуката за распишување на 10 парламентарни избори што ја донесе на 16 февруари, веднаш по распуштањето на парламентот.

„Решението за изменување и дополнување на решението за распишување на предвремените избори за пратеници во Собранието го потпишав синоќа и истото е архивирано и пратено до Државната изборна комисија, до Министерството за надворешни работи и Министерството за правда, со што се запазуваат роковите утврдени во Уставот“,

посочува Џафери.

Тој наведува дека наметнатите, неприродни услови со ковид-19, го одложија спроведувањето на предвремените парламентарни избори претходно закажани за 12 април 2020 година.

„Известувам дека имаме нова ситуација. Имено, како што ви е веќе познато, политичките лидери во Северна Македонија постигнаа договор за закажување нов датум за одржување на предвремените парламентарни избори. Консензуалниот датум на власта и опозицијата е 15 јули 2020 година. Овие избори ќе бидат невообичаени по тоа што нема да има вообичаена изборна кампања, меѓутоа, тоа што е поважно и на кое ќе мораме сите да се придржуваме на најдисциплиниран начин се мерките и препораките на Министерството за здравство, со цел да се заштитат здравјето и животот на граѓаните“,

нагласува Џафери.

Претседателот на ДИК, Оливер Деркоски, во неделата постави услов – Џафери да потпише ново решение за изборите, по што тој би закажал седница за ревидирање на изборниот роковник за завршување на преостанатите изборни дејствија. Потоа и Џафери постави услов – партиите да постигнат консензус за изборниот датум пред тој да потпише ново решение.

Џафери: Нека постигнат консензус за изборниот датум, па ќе ја исполнам својата надлежност