Мицкоски денеска преку објава на својот фејсбук-профил го покани вицепремиерот задолжен за економски прашања утре да дојде на состанок во 12 часот во седиштето на неговата партија, за, како што напиша, детално да му го објасни неговиот план и концепт, кои „ќе значат закрепнување на економијата и помош на бизнисот“
„Граѓаните знаат дека јавно веќе речисис три години ги повикувам на соработка и одговорност, со цел справување со кризата. Еве, повторно, вратите се отворени, решенијата секогаш се наоѓаат на маса на која сите седиме заедно. Комплексноста на оваа криза од нас бара да се кренеме над себе, бидејќи солидарност, одговорност и колективна мудрост е она што ќе не изнесе низ неа“, напиша Битиќи во својот одговор до Мицкоски
Вицепремиерот за економски прашања, Фатмир Битиќи го одби барањето на претседателот на ВМРО-ДПМНЕ за средба во седиштето на неговата партија за да му го претстави концептот за справување со енергетската криза и идентично како премиерот Димитар Ковачевски го покани лидерот на опозициската партија да дојде в среда на Економскиот совет на Владата и на него, сите заедно, да разговараат за ова прашање.
Битиќи во својата објава на „Фејсбук“ вели дека „нема потреба од разговор во четири очи, зад затворени врати“.
„Во среда е закажан Економски совет во широк формат, кој се обидовме да биде продуктивен и конструктивен за време на корона кризата. За жал опозицијата таа шанса за покажување на дело грижа и совесност не ги покажа, напротив не се одважи да дојде па започна со блокада, па активна блокада на Собранието. Граѓаните знаат дека јавно веќе речиси три години ги повикувам на соработка и одговорност, со цел справување со кризата. Еве, повторно, вратите се отворени, решенијата секогаш се наоѓаат на маса на која сите седиме заедно. Нема потреба од разговор во четири очи, зад затворени врати. Комплексноста на оваа криза од нас бара да се кренеме над себе, бидејќи солидарност, одговорност и колективна мудрост е она што ќе не изнесе низ неа“,
напиша Битиќи во својот одговор до Мицкоски.
Претходно денеска премиерот Димитар Ковачевски го покани лидерот на опозициската ВМРО-ДПМНЕ да дојде на Економскиот совет на Владата кој ќе се одржи в среда и да ги презентира решенијата за справување со енергетската криза.
Мицкоски преку објава на својот фејсбук-профил го покани вицепремиерот задолжен за економски прашања утре да дојде на состанок во 12 часот во седиштето на неговата партија, за, како што напиша, детално да му го објасни неговиот план и концепт, кои „ќе значат закрепнување на економијата и помош на бизнисот“.
Мицкоски и предложи на Владата концепт со кој државата ќе заштеди 300 милиони евра. Претседателот на ВМРО-ДПМНЕ вели дека имале контакти со компании од Германија , Швајцарија и Чешка, а кои можат од Гаспром да донесат количина на гас која што ќе биде доволна за земјава.