Државните резерви се класифициран податок и затоа немаме право јавно да го објавиме, но она што е најважно е дека тие да се доволни и не само државните резерви, туку и резервите што ги имаат компаниите, вели министерот за
Стоковите резерви се во потребните количини и тие се доволни, а дополнително и компаниите имаат доволни резерви за да одговорат на потребите на пазарот. Затоа нема потреба од паника, уверува министерот за финансии Фатмир Бесими.
„Државните резерви се класифициран податок и затоа немаме право јавно да го објавиме. Но она што е најважно е дека тие да се доволни и не само државните резерви, туку и резервите што ги имаат компаниите за нивните потреби на пазарот кои, исто така, се доволни. Така што во моментов има доволно резерви и нема потреба од паника. Ние ќе продолжиме со снабдување на државните резерви, како што е предвидено во годишната програма, а како Владата ги разгледуваме и евентуалните потреби за дополнително зајакнување на динамиката на резерви, доколку има потреба од такво нешто“,
вели Бесими во интервју за „Еуроњуз Албанија“ направено за време на неговиот престој во Лондон.
Посочувајќи на мерките што Владата ги презема за да одговори на влијанието на енергетската криза со цел да го заштити стандардот на граѓаните, Бесими оцени дека тие не се доволни, со оглед на тоа што продолжува кризата во Украина и треба да се следи влијанието врз домашната економија за да се види кои мерки и капацитети ќе бидат потребни.
„Во однос на економските и социјалните предизвици, ние сме во постојан контакт со сите учесници во општеството за да можеме ефективно да реагираме, но и во однос на финансирањето сме во комуникација и со Европската комисија и со меѓународните институции, Светска банка и Меѓународниот монетарен фонд, за евентуално да се користат инструменти кои ќе помогнат во финансирањето на трошоците во економијата на земјата“,
посочи Бесими.
Тој, заедно со премиерот Димитар Ковачевски и вицепремиерот за економски прашања Фатмир Битиќи учествуваше на Самит на ЕБОР на кој се дискутираше за енергетиката, диверсификацијата, енергетската неизвесност и енергетското поврзување на земјите од регионот, како и за инфраструктурното поврзување еи зајакнувањето на човечкиот капитал и дигитализацијата.