Министерството за надворешни работи на Хрватска соопшти дека оваа земја ќе го бојкотира доделувањето на Нобаловата награда на Петер Хандке, кој, како што е наведено е „личност политички ангажирана во давање поддршка на големосрпската политика на Слободан Милошевиќ“.
И претседавачот со Претседателството на Босна и Херецеговина Жељко Комшиќ издаде инструкции на вработените во амбасадата во Шведска да го бојкотираат доделувањето на Нобеловата награда.
На официјалниот профил на Твитер на хрватското МНР се наведува дека е „одлучено амбасадорот на Хрватска во Кралсството Шведска да не учествува на утрешната церемонија на доделување на Нобеловата награда во Стокхолм, бидејќи таа ѝ е доделена на личност политички ангажирана во давање поддршка на голмосрпската политика на Слободан Милошевиќ во 90 години на минатиот век“.
Освен Хрватска и Бих, Албанија и Турција исто така најавија дека нема да присуствуваат на церемонијата токму поради Хандке.
76-годишниот австриски драмски писател романсиер и поет е овогодишен добитник на Нобеловата награда за литература.
Во образложението се наведува дека Хандке ја добива наградата за „влијателно дело кое со јазична генијалност ја истражуваше периферијата и специфичноста на човечкото искуство“, се вели во соопштението на академијата.
Сепак, тој важи за контроверзна фигура поради неговата поддршка на Србите за време на војните во екс Југославија во 90-тите години и поради неговиот говор на погребот во 2006 година на поранешниот српски лидер Слободан Милошевиќ, кој беше обвинет за геноцид и други воени злосторства.