Претседателот на Советот на ЕУ, Шарл Мишел, порача дека ова е добра вест за светот и ги поздрави континуираните напори на ОН и на Гутереш, а претседателката на Европската комисија Урсула вон дер Лајен истакна дека иницијативата на ОН помага да се избегне глобален недостиг на храна и да се намалат цените на храната и покрај војната во Русија
Високите претставници на Европската Унија го поздравија договор за продолжување на иницијативата за извоз на украинско жито преку Црното Море.
За продолжувањето на договорот првично информира украинското Министерство за инфраструктура, а потврда дека извозот на жито од Украина и понатаму ќе се одвива преку Црното Море стигна од генералниот секретар на Обединетите нации (ОН) Антонио Гутереш.
„Го поздравувам договорот на сите страни за продолжување на иницијативата за безбеден извоз на жито, прехранбени производи и ѓубрива од црноморските пристаништа во Украина. Иницијативата ја покажува важноста на дискретната дипломатија во изнаоѓањето мултилатерални решенија“,
напиша Гутереш на Твитер.
I welcome the agreement by all parties to continue the Black Sea Grain Initiative to facilitate the safe navigation of export of grain, foodstuffs and fertilizers from Ukraine.
— António Guterres (@antonioguterres) November 17, 2022
The initiative demonstrates the importance of discreet diplomacy in finding multilateral solutions.
Претседателот на Советот на ЕУ, Шарл Мишел, порача дека ова е добра вест за светот и ги поздрави континуираните напори на ОН и на Гутереш.
„Го поздравувам продолжувањето на Црноморската иницијатива за жито. Со 10 милиони тони жито веќе извезени во рамките на оваа иницијатива од Украина, ова е добра вест за светот на кој очајно му треба пристап до жито и ѓубрива“,
напиша Мишел на својот службен твитер-профил.
I welcome the extension of Black Sea Grain Initiative.
— Charles Michel (@CharlesMichel) November 17, 2022
With 10 million tonnes of grain already exported under this initiative from #Ukraine this is good news for a world that badly needs access to grain and fertilisers.
Commending continued efforts of @UN and @antonioguterres
Претседателката на Европската комисија Урсула вон дер Лајен истакна дека иницијативата на ОН помага да се избегне глобален недостиг на храна и да се намалат цените на храната и покрај војната во Русија.
I congratulate @antonioguterres and President @RTErdogan for the agreement on the continuation of the Black Sea Grain Initiative
— Ursula von der Leyen (@vonderleyen) November 17, 2022
Together with EU Solidarity Lanes the UN Black Sea Grain Initiative helps avoid global food shortages and bring down food prices despite Russia’s war. https://t.co/PWW2p6oE5F
Договорот за извоз на украинско жито преку Црното Море, како што утрово информираше украинското Министерство за инфраструктура, е продолжен за 120 дена.
Министерот за инфраструктура на Украина, Олександр Кубраков, на Твитер објави дека договорот за продолжување на иницијативата бил постигнат меѓу генералниот секретар на Обединетите нации (ОН) Антионио Гутереш, турскиот претседател Реџеп Таип Ердоган и украинскиот претседател Володимир Зеленски.
Русија и Украина во јули годинава се согласија за деблокирање на украинските поморски пристаништа и извоз на житни култури од оваа земја. Договорот беше потпишан од министри од двете земји на 22 јули, а со посредство на Обединетите нации и Турција.
Украинскиот извоз на жито опадна откако Русија ја нападна земјата на 24 февруари и ги блокираше нејзините пристаништа на Црното Море, што ги зголеми светските цени на храната. Со потпишувањето на договорот меѓу Киев и Москва, три црноморски пристаништа беа деблокирани.
Инаку, договорот од јули за извоз на украинското жито преку Црното Море истекува утре.
Договорот еднаш беше доведен во прашање на почетокот на јули кога рускиот претседател Владимир Путин изјави дека Москва се повлекува од иницијативата, но по дипломатска интервенција на Турција, Кремљ ги повлече заканите.