Градоначалникот на Гази Баба, Борис Георгиевски, кој беше заразен со ковид-19, објави дека има два негативни теста и ја напуштил Клиниката за инфективни болести.
Од денеска е дома и ќе продолжи со домашно лекување.
„Упатувам голема благодарност до целиот медицински тим на Клиниката, за нивната огромна пожртвуваност и храброст да му помогнат на секој пациент кој се бори со ковид-19. Од моја страна, како знак на благодарност за херојството и поддршка за целокупниот медицинскиот персонал, денес донирав 10 навлажнувачи за кислород и 1 дигитален апарат за мерење на крвен притисок за Клиниката за инфективни болести. Ви благодарам на целата ваша поддршка која ми ја дававте овие недели. Ве молам, чувајте се сите, почитувајте ги здравствените препораки и носете заштитна опрема“,
апелира Георгиевски.
Георгиевски не е единствениот скопски градоначалник кој се зарази со ковид-19. Позитивни на вирусот се покажаа и првиот човек на Чаир, Висар Ганиу, и градоначалникот на Град Скопје, Петре Шилегов.