Ѓоргиев: Погрешен е пристапот историските прашања да се користат како политичка алатка

Историските контроверзии, недоразбирањата и историографските спорови треба да ги решаваат историчарите, а не политичарите, смета претседателот на македонскиот тим во Мешовитата комисија

Претседателот на македонскиот тим во Мешовитата македонско-бугарска комисијата за историски и образовни прашања Драги Ѓоргиев не ги коментира изјавите на премиерот Зоран Заев, но сепак смета дека погрешен е пристапот историските прашања да се користат како политичка алатка.

Членови на македонско-бугарската комисија се оградуваат од изјавите на Заев

Ѓоргиев во изјава за Дојче веле вели дека политички изјави нема да коментира, без разлика дали доаѓаат од македонската или од бугарската страна.

„Генерално, погрешен е пристапот историските прашања да се користат како политичка алатка. Историските контроверзии, недоразбирањата и историографските спорови треба да ги решаваат историчарите, а не политичарите. Комисијата треба да биде оставена да работи без мешање и притисок. Политиката треба да отвори простор за Комисијата, а не обратно“,

вели Ѓоргиев.

Пендаровски му одговори на Заев: 20-годишното искуство во меѓународната политика ми овозможува прецизно да ги мерам зборовите и ставовите

Според него, не треба да се создава тензија и дијалогот треба да продолжи, бидејќи само така еден на друг ќе можеме да си кажеме што мислиме и да најдеме пристапи преку кои ќе ги надминеме стереотипите.

„Ни треба пристапот на мултиперспективност, во кој ќе се почитуваат различните наративи, а не да се наметнуваат. Не треба да се дејствува избрзано, под притисок на политиката, бидејќи тоа е погубно: можеби ќе има резултати на краток рок, но тоа би било со долгорочни последици“,

вели Ѓоргиев.

(ВИДЕО) Интервју на Заев за БГНЕС: Испративме документ дека немаме територијални претензии, нема да се мешаме во внатрешните работи и немаме побарувања за малцинствата