„На сите им е јасно дека тие 23 недоволно квалификувани лица за во државниот инспекторат можел да ги прими со платите што и така им ги обезбедува владата и да ги смести по некои пренатрупани канцеларии во кои ќе немаат работа. Но, Стојко сметал дека со тоа ќе се поремети можеби работата дисциплината и чувството на еднаква ангажираност во Инспекторатот. И затоа се спротивставил“, вели Спасов
Вработените во ДПИ собираат потписи за петиција со која ќе бараат да не се разрешува директорот. Петицијата, според најавите, ќе ја достават до Владата до понеделник. На социјалната мрежа „Фејсбук“, пак, се формираше и група за поддршка на Пауновски која во првите неколку часа собра над 800 членови
Што ќе се добие со разрешување и дисциплинирање и дисциплинирање на Стојко Пауновски и каква порака ќе се прати? Дали пораката е дека никој не смее да им се спротивставува и на најбизарните решенија на Владата? И дали таа ќе ги наградува само послушните, а ќе ги казнува одговорните и совесните?, прашува универзитетскиот професор Ѓорѓи Спасов преку социјалните мрежи.
Тој застана во одбрана на директорот на Државниот пазарен инспекторат (ДПИ) кој одбива да ги прими 35 рамковно вработените распоредени од Министерството за политички систем и односи меѓу заедниците.
„Тој модел на дисциплинирање тешко може да се брани и оправда затоа што е во спротивност со она што се бара од раководителите на разни оддели во јавната администрација и со етичкиот кодекс во јавната администрација. Наредбата ако е во спротивност со личното уверување и со совеста дека со неа му се прави штета на општеството е подобро да не се почитува отколку да ве гризи совеста. Некои службеници во претходната влада и администрација што постапуваа строго по наредби, не побегнаа од одговорноста кога подоцна се утврди дека со извршувањето наредби направиле штета. Затоа треба добро да се процени дали овој вид отпор или ’пркос‘ на Стојко Пауновски е само личен хир од некои непознати причини или е сосема оправдан и ќе биде жртва на нечија поврдена суета и на лошото толкување за задолжителното почитување на хиерархијата во јавната администрација“,
вели Спасов.
Тој во неговата објава потсетува дека Пауновски рекол оти од 35 рамковно вработени кои биле распоредени во ДПИ само 12 ги исполнуваат елементарните критериуми, па продолжува:
„Водејќи се од својата проценка дека тие 23 лица, кои немаат ниту соодветно образование за во државниот инспекторат, ќе бидат повеќе штетни да доаѓаат на работа во Инспекторатот и тука да си ја земаат платата отколку да останат дома или да им се најде друго решение. Пауновски јавно се осмелува да каже дека нема да ја почитува таа одлука на владата дури и по цена да биде разрешен од функцијата“.
Спасов посочува дека Пауновски најавил непочитување на владината одлука зошто сметал дека со тоа може би се решил еден, но се создава друг, уште посериозен проблем.
„На сите им е јасно дека тие 23 недоволно квалификувани лица за во државниот инспекторат можел да ги прими со платите што и така им ги обезбедува владата и да ги смести по некои пренатрупани канцеларии во кои ќе немаат работа. Но, Стојко сметал дека со тоа ќе се поремети можеби работата дисциплината и чувството на еднаква ангажираност во Инспекторатот. И затоа се спротивставил“, вели Спасов.
Разрешувањето на Пауновски го најави премиерот Зоран Заев бидејќи вели дека со тоа што одбива да ги прими рамковно распоредените не ја почитува хиерархијата.
„Секој ден да водите полемики со потпретседателот на Владата, со претседателот на Владата, е пркос кој не е дозволен. Хиерархијата треба да се почитува, таа е поставена и треба да функционира. Се работи за мој исклучително добар пријател, но кажувам што е принцип“,
рече Заев.
Тој рече и дека очекува предлог за разрешување на директорот на ДПИ од вицепремиерот за антикорупција, Љупчо Николовски.
Николовски, вчера излезе со заедничко соопштение со вицепремиерот Артан Груби кој раководи со Министерството за политички систем и односи меѓу заедниците во кое посочуваат дека Пауновски го прекршил Кодексот за избрани и именувани функционери. Исто така, нагласуваат и дека не треба да се манипулира јавноста дека „рамковните прераспределување“ ја заменуваат потребата од нови кадри, посебно во инспекторатите.
За разлика од Владата, голем број од јавноста застанаа во одбрана на Пауновски.
Исто така, и вработените во ДПИ собираат потписи за петиција со која ќе бараат да не се разрешува директорот. Петицијата, според најавите, ќе ја достават до Владата до понеделник. На социјалната мрежа „Фејсбук“, пак, се формираше и група за поддршка на Пауновски која во првите неколку часа собра над 800 членови.