Освен овој, на територија на Валандово има уште еден активен пожар, но поради поголема опасност, како што информираат од ЦУК, фокус се става на пожарот кај Марвинци
Над селото Марвинци во Општина Валандово избувна голем пожар, а постои опасност од негово ширење кон селото, информира Регионалниот центар за управување со кризи (РЦУК) Струмица. Горат сува трева и прнар.
На гаснење на пламените јазици интервенираат осум пожарникари со три противпожарни возила, а на помош се повикани и пожарникари од бригадата од Гевгелија со едно противпожарно возило.
Според информацијата од градоначалникот на Валандово, Перо Костадинов, пожарот е пренасочен и пожарникарите не дозволуваат да се прошири кон селото Марвинци.
Освен овој, на територија на Валандово, во селото Чалаклија, има уште еден активен пожар. Во пожарот е зафатена е сува трева и на негово гасење интервенираат пожарникари, но поради поголема опасност, како што информираат од ЦУК, фокус се става на пожарот кај Марвинци.