Од Центарот за управување со кризи известуваат дека излеаната вода од големата водоводна цевка предизвикала локална поплава, при што имало поплавено голем број објекти во близина на настанот, а како последици од тоа и лица кое не можеле да излезат од своите домови
Поради дефект на водоводна цевка на улица „Кеј Димитар Влахов“ 15 до Младинскиот културен Центар (МКЦ) во скопски Центар, водоснабдувањето е прекинато за корисниците од Крњево, Керамидница, кај ТЦ „Ист гејт“, покрај бул. „Александар Македонски“ до бензинската пумпа „Лукоил“, Пожарна, а со намален притисок ќе бидат населбите Маџари и Хиподром, информираат од ЦУК. Оттаму велат дека по утринското примање на повикот за итниот случај на 112 во ЦУК, за пукањето на водоводната цевка на улицата „Кеј Димитар Влахов“ и дека има поплава од пукната водоводна цевка, веднаш биле остварени телефонски контакти со ЈП „Водовод и канализација“, Бригадата за противпожарна заштита на Град Скопје и Полициската станица Центар – Беко.
„Излеаната вода од големата водоводна цевка предизвикала локална поплава, при што имало поплавено голем број објекти во близина на настанот, а како последици од тоа и лица кое не можеле да излезат од своите домови. Од ЈП ‘Водовод и канализација’ информираа дека поради големиот дефект без вода ќе остане поголем реон во централно градско подрачје во Скопје сѐ до санирање на состојбата“,
велат од ЦУК.