Европската Унија ѝ дава силна поддршка на Република Северна Македонија во изградбата на Коридорот 8, изјави денеска во Крива Паланка шефот на Делегацијата на Европската Унија во земјава, амбасадорот Дејвид Гир.
„ЕУ дава значителна финансиска поддршка на изградбата на Коридорот 8. Ние како Европска Унија со нетрпение ја очекуваме изградбата на првиот и вториот дел од овој Коридорот 8 и работиме на развој, односно изградба на делот три кој всушност е дел од Коридорот 8, а го опфаќа патниот правец од Крива Паланка до граничниот премин Деве Баир“,
изјави евроамбасадорот Гир за време на посетата на општината по повод првиот роденден на Europe House Крива Паланка.
Гир денеска имаше средба и со градоначалникот на Општина Крива Паланка, Сашко Митовски, на која се разговараше за повеќе аспекти во однос на начинот на поддршка на општината од страна на ЕУ-фондовите, со кои досега се реализирани проекти во вредност од околу пет милиони евра.