Германија до историското злато со 28 поени ја предводеше Денис Шредер, кој беше прогласен за најкорисен играч во финалето, додека во српските редови најефикасен беше Алекса Аврамовиќ со 21 поен
Германија е новиот светски шампион во кошарка, откако денеска ја совлада Србија со 83-77, на финалето во Манила.
Ова е прво светско злато за Германија во историјата, додека Србија покрај сребрениот медал обезбеди и настап на Олимписките игри 2024 во Париз.
Финалето во Манила беше израмнето по првото полувреме (47-47), а клучна се покажа третата четвртина која Германија ја доби со 22-10.
И покрај негативата од 12 поени, Србија не се предаваше и го внесе финалето во драматична завршница во која, сепак, не успеа да ја надомести резултатската негатива.
Германија до историското злато со 28 поени ја предводеше Денис Шредер, кој беше прогласен за најкорисен играч во финалето, додека во српските редови најефикасен беше Алекса Аврамовиќ со 21 поен.
Бронзата ја освои Канада совладувајќи ја американската репрезентација со 128-117.