За ова се планира повторно опремување на центарот за примарен прием на бегалци, изграден во 2017 година во Дрезден
Германската покраина Саксонија е на чекор до формирање институција за „присилно вдомување“ на оние што повеќепати биле фатени како го кршат карантинот поради ковид-19, објави весникот „Билд“.
За ова се планира повторно опремување на центарот за примарен прием на бегалци, изграден во 2017 година во Дрезден. Според весникот, во пролетта 2020 година министерката за здравство на Саксонија, Петра Копинг, предложила испраќање на прекршителите на карантинот во психијатриски болници. Но овие планови беа откажани, како и идеите за нивно сместување во хотели или болници.
Кои ќе бидат условите и трошоците за сместување во новата институција, засега не е објавено. Сепак, областа е оградена и ќе ја обезбедува полицијата.
Министерството за социјална заштита ги потврди плановите за повторно опремување на центарот. Во исто време, „присилното сместување“ може да се користи и за оние што повеќепати правеле прекршоци.
За едно лице да биде сместено во овој центар, Министерството за здравство мора да го достави барањето до судот. Во Саксонија досега немало такви преседани, но властите сакаат да се подготват, наведува „Билд“.