Германскиот министер за здравство, Јенс Спан, денеска соопшти дека состојбата со коронавирус во земјата е ставена под контрола, пренесува Дојче веле.
Тој вели дека добро ја менаџираат ситуацијата, а најважно од се е што не дозволиле да се преоптовари здравствениот систем.
На денешната средба со новинарите, Спан истакна дека бројот на заболени со ковид-19 повеќе не е со експоненцијален раст, туку сега расте линеарно.
*Поврзана вест: Германија во понеделник почнува со отворање на дел од продавниците
Според него, ширењето на болеста во Германија е под контрола, а успехот се должи и на широкиот обем на тестирање.
Тој нагласи дека во земјата има повеќе оздравени пациенти отколку активни случаи на коронавирус.
Досега во Германија се дијагностицирани вкупно 138 135 лица, од нив 52 242 се активни случаи, а 81 800 се целосно оздравени. Вкупно 4 093 лица во Германија починаа од коронавирусот.