Во меѓувреме, според објавата на веб-страницата на Собранието, за утре е закажана седница на Комисијата за прашања на изборите и именувањата на која, како точка на предлог-дневниот ред е и предлог-одлука за избор на претседатели, заменици на претседателите, членови и нивни заменици на комисиите во Собранието
По конституирањето на Собранието на 28 мај, денеска собранискиот спикер Африм Гаши го одржа првиот координативен состанок со претставници на пратеничките групи од новиот парламентарен состав. Се дискутирало за конституирањето на собраниските комисии, како и на неформалните тела во парламентот.
На состанокот била разгледана можноста во наредните денови првично да се изберат претседател и членови на Комисијата за политички систем и Законодавно-правната комисија, низ чиј филтер треба да поминат предлог-законските решенија за промена во министерствата со оглед на тоа што течат роковите за избор на новата влада. Од усвојување на овие измени зависи предлог-владиниот состав кој ќе го предложи идниот мандатар.
Во меѓувреме, според објавата на веб-страницата на Собранието, за утре е закажана седница на Комисијата за прашања на изборите и именувањата на која, како точка на предлог-дневниот ред е и предлог-одлука за избор на претседатели, заменици на претседателите, членови и нивни заменици на комисиите во Собранието.
Кон крајот на работната недела, пак, како што најави собранискиот спикер, треба да се одржи нова пленарна седница за верификација на останатите два мандати на пратеници, кои не беа верификувани на конститутивната седница. ДИК, како што рече Гаши, веќе има доставено извештај за овие два мандати, така што неделава треба да се закаже седница за нивно верификување, со што ќе се комплетира новиот собраниски состав.