Откако Собранието ја укина вонредната состојба во државата, потенцираат од МТСП, овие средства се исплаќаат во месеците на грејна сезона, како што беше и пред нејзиното воведување
Откако во повеќе медиуми се појавија информации дека имало кратење на висината на средствата за корисниците на гарантирана минимална помош, од Министерството за труд и социјална политика ги демантираат ваквите тврдења и нагласуваат дека оваа помош се исплаќа само во месеците кога е грејна сезона.
Оттаму додаваат дека кратењето на споменатите 1 000 денари се средства кои биле наменети за потрошувачка на енергенти за корисниците на гарантирана минимална помош во текот на целата година, но само во период на вонредна состојба. Откако Собранието ја укина вонредната состојба во државата, потенцираат од МТСП, овие средства се исплаќаат во месеците на грејна сезона, како што беше и пред нејзиното воведување.
„Додатокот од 1 000 денари, заради покривање на дел од трошоците за потрошувачка на енергенси за корисниците на правото на гарантирана минимална помош, чија исплата продолжи и во другите месеци во време на вонредна состојба на државата, со одлуката на Собранието на Република Северна Македонија за прекинување на вонредната состојба и уредбите што ги донесе Владата престана да се исплаќа додатокот на примателите на ГМП. Тој продолжува да се исплаќа во месеците кои се грејна сезона, како и претходно. Ваквиот начин на исплата, согласно Законот за социјална заштита, ќе продолжи од октомври до март годинава заради покривање на дел од трошоците за потрошувачка на енергенти во домаќинството“,
се вели во соопштението од МТСП.
Ваквите одлуки за постапување, додаваат од Министерството за труд и социјална политика, се донесени согласно закон и за нив јавноста беше известена со соопштение до медиумите објавено на 5 август годинава.