Улиците во градовите на северот на Италија денеска останаа речиси празни откако премиерот Џузепе Конте рано изутрината ги објави драстичните мерки што се воведуваат за да се спречи натамошно ширење на коронавирусот во најпогодената држава во Европа.
Околу 16 милиони луѓе од северна и централна Италија се опфатени со мерките со кои се забранува влез и излез од Ломбардија, чиј главен град е Милано, и од уште 14 провинции, вклучувајќи ги Венеција, Пјаченца, Парма, Модена…
Ова се фотографии направени во Милано денеска:
Мерките на владата предвидуваат дека до 3 април ќе бидат затворени музеите, салите за вежбање, ски-центрите, а нема да се организираат ни свадби ни погреби. Рестораните и кафулињата ќе бидат отворени само од 6 до 18 часот, а луѓето ќе може да седат само на оддалеченост од најмалку еден метар. На граѓаните им се советува да излегуваат од дома само во крајна нужда, а за оние што нема да ги почитуваат правилата, следуваат казни и до три месеци затвор.
Следните фотографии се од Венеција и од други места на северот на земјата за кои важат строгите мерки воведени денеска:
*поврзана вест „Виз ер“ ги прекина летовите за Милано, Тревизо и Бергамо до 3 април