Од МВР велат дека хеликоптерот во координација со силите на терен учествувал во гасењето на преостанатите жаришта, со што, како што се вели во соопштението од полицијата, пожарот е ставен под контрола
Хеликоптер „бел-412“ од Одделот за воздухопловни единици на Министерството за внатрешни работи (МВР) во 30 налети исфрли 45 тона вода за гаснење на пожарот во селото Караслари во Општина Велес.
Од МВР велат дека хеликоптерот во координација со силите на терен учествувал во гасењето на преостанатите жаришта, со што, како што се вели во соопштението од полицијата, пожарот е ставен под контрола.
„По добиено второ барање од Центарот за управување со кризи хеликоптерот е упатен и дејствува во гаснење на пожар во Неготивнско“,
велат од МВР.
Од ЦУК информираа дека денеска има два активни пожари на територијата на Општина Велес. Првиот е активен од вчера и се наоѓа меѓу селата Отиштино и Оризари, каде што гори сува трева и трње на голема површина, а вториот е меѓу селата Караслари и Црквино, над месноста викана Венуле, каде покрај сува трева, гори и шума.