Подигнувањето на украинското знаме, кое во кругот на Министерството ќе се вее заедно со македонското до 26 февруари, е во знак на поддршка за одбраната на територијалниот интегритет и суверенитет на Украина
Во пресрет на 24 февруари – денот кога се навршуваат две години од почетокот на руската инвазија на Украина, во кругот на Министерството за одбрана денеска беше подигнато украинското знаме.
Подигнувањето на украинското знаме, кое во кругот на Министерството ќе се вее заедно со македонското до 26 февруари, е во знак на поддршка за одбраната на територијалниот интегритет и суверенитет на Украина.
На чинот на подигнување на знамето присутни беа министерката за одбрана Славјанка Петровска и амбасадорката на Украина во земјава, Лариса Дир.
„Северна Македонија целосно ја поддржува Украина во борбата за својот територијален суверенитет и интегритет. Поддршката продолжува! Досега донесовме 12 одлуки за воена и хуманитарна помош, а на полигонот ‘Криволак’ беше спроведена и обука за украински војници“,
напиша министерката Петровска во објава на Фејсбук.
Оваа поддршка, како што велат од Одбрана, ќе продолжи и понатаму, а тоа е потврдено и од страна на министерката Петровска на состанокот на Советот НАТО – Украина што се одржа во седиштето на Алијансата во Брисел за време на минатонеделниот министерски состанок на Северноатлантскиот совет на НАТО.
Русија ја започна инвазијата над Украина на 24 февруари 2022 година.