Земјоделците, како што пренесуваат белгиските медиуми, подметнале и пожар палејќи дрва и гуми, а на плоштадот „Луксембург“, во близина на зградата на Европскиот парламент, може да се забележи чад и да се почувствува „остар мирис“, а насекаде по земјата има расфрлано ѓубриво и слама. На дел од блокадите имало и помали инциденти, кога демонстрантите гаѓале со јајца, пивски шишиња и петарди кон полицијата, која возвратила со водени топови
Земјоделци со околу 1 300 трактори кои се паркирани на плоштадите и улиците денеска го блокираа Брисел, особено делот каде што се сместени институциите на ЕУ.
Земјоделците протестираат за да ги истакнат нивните намалени приходи, премногу сложената легислатива и преоптовареноста на администрацијата. Незадоволството меѓу земјоделците, првично предизвикано во Франција, се прелеа во неколку европски земји, вклучително и во Белгија.
„Како што се очекуваше, најголемото нарушување на сообраќајот е главно на улиците и околу плоштадот во европската област, додека другите области не се толку погодени. Спречен е пристап до реонот околу самите згради на Унијата“,
соопшти полицијата.
Земјоделците, кои дојдоа од цела Европа да протестираат против Заедничката земјоделска политика (ЗЗП) и Зелениот договор, подметнале и пожар палејќи дрва и гуми.
Како што објави весникот „Соар“, на плоштадот „Луксембург“, во близина на зградата на Европскиот парламент, може да се забележи чад и да се почувствува „остар мирис“, а насекаде по земјата има расфрлано ѓубриво и слама.
#ixelles Une des sculptures historiques (1871 ) de la place du Luxembourg a été démontée par les agriculteurs et mise au feu. Elle représente un ouvrier sidérurgiste.
— Yves Rouyet (@YvesRouyet) February 1, 2024
D’un point de vue patrimonial, c’est irréparable. D’un point de vue symbolique, c’est à pleurer pic.twitter.com/SWWm0JBqBq
На дел од блокадите имало и помали инциденти, кога демонстрантите гаѓале со јајца, пивски шишиња и петарди кон полицијата, која возвратила со водени топови. Според полицијата, нема информации за инциденти од поголем обем или за судири.
?????Colère des #agriculteurs: un millier de tracteurs dans les rues de #Bruxelles avant le sommet de l’#UnionEuropéenne
— Le monde des infos (@lemondedesinfos) February 1, 2024
Un millier de #tracteurs bloquent ce jeudi 1er février plusieurs rues de Bruxelles aux abords d’un sommet des dirigeants des Vingt-Sept, sur fond de colère… pic.twitter.com/og6Kno3uyY
Покрај протестите во Брисел, според центрите за следење на состојбите во сообраќајот, блокади има и на обиколниците околу градот, како и на неколку автопатишта околу главниот белгиски град и во северна Белгија.
Земјоделците почнаа да ги блокираат автопатите во неделата и продолжија да го попречуваат сообраќајот на клучните белгиски патишта во наредните три дена.
Протести беа одржани и во пристаништето Антверпен, што резултираше со блокирани премини, спречувајќи ги бродовите да продолжат.
Земјоделците се незадоволни од договорите за слободна трговија склучени на ниво на ЕУ, кои според нив, овозможуваат слободен увоз на земјоделски производи од трети земји кои не ги исполнуваат стандардите што важат за продуктите од Унијата, а бараат и „итно вистинско поедноставување на административните процедури“, „длабинска“ ревизија на Заедничката земјоделска политика на ЕУ и олабавување на европските еколошки политики,“ со цел, како што тврдат, да му се овозможи на земјоделскиот сектор да биде „вистински економски, еколошки и социјално одржлив“.
Покрај ова, тие бараат и компензација за „сите ограничувања“, субвенции за покривање на зголемените трошоци како последица на инфлацијата, како и олеснет пристап до земјоделско земјиште.
Според земјоделците, Европската комисија треба да спроведе „економска, еколошка и социјална проценка на последиците од сите закони и ограничувања што таа ги воведе во земјоделството во последните години“.