Навивачите на домаќинот „Шверцери“ влетаа на теренот и пробаа да се пресметаат со гостинските играчи, а фрлаа и тврди предмети и пиротехника
Инцидент се случи предмалку во скопската населба Чаир на фудбалскиот натпревар од 1/4 финалето на Купот на Македонија, помеѓу Шкупи и Шкендија. Откако гостинската екипа постигна гол, стрелецот на голот Дашмир Елези, се радуваше пред домашните навивачи на Шкупи кои тие го сфатија како провокација, по што дојде до вистински хаос.
Навивачите на домаќинот „Шверцери“ влетаа на теренот и пробаа да се пресметаат со гостинските играчи, а фрлаа и тврди предмети и пиротехника.
Припаднците на Единицата за брзо распоредување (ЕБР) кои беа во огромен број влетаа на теренот и спречија уште поголем инцидент.