Претходно, Кејт Мидлтон соопшти дека има прогрес во лекувањето
Принцезата од Велс, Кејт Мидлтон, денеска по првпат се појави на јавен настан, по речиси половина година откако ѝ беше дијагностициран рак.
Облечена во бел фустан со црни детали, принцезата од Велс утрово беше фотографирана како пристигнува во Бакингемската палата, а подоцна и во кочија заедно со децата како дел од кралската поворка.
Таа ќе биде дел и од семејната група која ќе ги поздрави присутните од балконот на Бакингемската палата.
Мидлтон учествува на годишната парада „Поздрав на боите“, со што се одбележува роденденот на кралот Чарлс.
Настанот е нејзино прво појавување во јавноста по операцијата на абдоменот во јануари, при што ѝ беше дијагностициран рак, по што во видеопорака во февруари објави дека е на хемотерапија и се повлече од службените должности.
Во лична порака објавена синоќа, пак, таа соопшти дека има прогрес во лекувањето, но дека има и добри и лоши денови.