По завршувањето на церемонијата на положување венци на гробот на Гоце Делчев, претседателот Пендаровски и латвискиот претседател Егилс Левиц, ги разгледаа иконостасот, иконите и фрескоживописот во црквата „Св. Спас“ во Скопје
Во рамки на официјалната посета на претседателот на Република Латвија, Егилс Левиц, на Република Северна Македонија, денеска претседателот Пендаровски и латвискиот претседател Левиц положија венци на гробот на македонскиот револуционер Гоце Делчев, во црквата „Св. Спас“ во Скопје.
По завршувањето на церемонијата на положување венци, двајцата претседатели ги разгледаа иконостасот, иконите и фрескоживописот во црквата „Св. Спас“.
Претходно, претседателот Стево Пендаровски, во претседателскиот кабинет, на официјална церемонија со највисоки државни и воени почести го пречека претседателот Левиц, а по одржаната тет-а-тет средба и пленарниот состанок на официјалните делегации на Република Северна Македонија и Република Латвија, претседателите имаа заедничка прес-конференција.