Снимките направени со беспилотни летала од областа во понеделникот сугерираат дека стотици возила се собрани на руска страна, а очевидци велат дека луѓето чекаат до 48 часа за да преминат во Грузија
Сателитските снимки објавени од „Максер технолочис“ (Maxar Technologies) покажуваат долги редови на руската страна на границата со Грузија. На нив се гледа сообраќајна колона од околу 16 километри северно од граничниот премин кој се формирал во неделата и додаваат дека „метежот најверојатно продолжил и понатаму северно од снименото подрачје“.
Си-ен-ен претходно вчера објави фотографии и видеа од руско-грузискиот граничен премин што кружат на социјалните мрежи кои покажуваат долги редици низ планинскиот премин. Снимките направени со беспилотни летала од областа во понеделникот сугерираат дека стотици возила се собрани на руска страна, а очевидци велат дека луѓето чекаат до 48 часа за да преминат во Грузија.
Неколку покажуваат дополнителни руски безбедносни сили кои пристигнуваат на границата со оклопен транспортер.
Редици се создадени на преминот Верхни Ларс од Северна Осетија кон Грузија и други гранични премини откако претседателот Владимир Путин објави делумна мобилизација минатата недела.
На видеата се гледаат семејства и многубројни мажи меѓу оние кои чекаат да го преминат Веркни Ларс. Стотици луѓе се приближуваат до преминот пеш, влечејќи куфери.
Поради ненадејниот прилив на бегалци од Русија, опозицискиот политичар Нона Мамулашвили во Грузија изјави за Си-ен-ен дека ја поттикнуваат владата да воведе визи или да ги затвори границите.
Меѓутоа, во моментов, границата е сè уште отворена.
Откако претседателот на Русија, Владимир Путин, прогласи делумна мобилизација во таа земја, руски државјани почнаа масовно да ја напуштаат што предизвика поскапи авиобилети.
Воздухопловната индустрија не памети ден како оној во кој беше најавена мобилизација – тричасовен лет во економска класа и по цена од речиси 10 000 евра.