Премиерот Димитар Ковачевски ја предводи владината делегација која присуствува на патријаршиската и синодлна света литиргија во соборниот храм „Свети Георги Победоносец“ во Фанар (Истанбул) на која заеднички сослужуваат вселенскиот патријарх Вартоломеј и архиепископот охридски и македонски Стефан, со владици од двете цркви.
Станува збор за историска богослужба откако во четвртокот вселенскиот патријарх Вартоломеј на архиепископот Стефан му го предаде Патријаршискиот и синодален акт на Вселенската патријаршија за примање на Охридската архиепископија (ОА) во богослужбено и канонско единство, а вчера делегацијата на ОА молитвено присуствуваше на празнична Божествена литургија по повод именденот на вселенскиот патријарх.
Во владината делегација се и Бујар Османи, министер за надворешни работи, Славјанка Петровска, министерка за одбрана и Оливер Спасовски, министер за внатрешни работи. На богослужбата присуствува и Даријан Сотировски, директор на Комисијата за односи со верските заедници и религиозните групи. По литургијата предвиден е прием за членовите на делегацијата и средба на премиерот Ковачевски со Вселенскиот патријарх Вартоломеј.
На линкот подолу може да ја следите во живо историската литургија: