Во фокусот вчера, на првиот ден од посетата на бугарската министерка, беше опожарувањето на културниот центар „Ванчо Михајлов“ во Битола
Бугарската делегација предводена од министерката за надворешни работи, Теодора Генчовска, денеска ја продолжува работната посета на СевернаМакедонија, а во тек е и нов состанок со шефот на македонската дипломатија, Бујар Османи, информираат од Министерството за надворешни работи.
„Министрите Османи и Генчовска, заедно со експерските тимови на министерствата на Северна Македонија и Бугарија, денес продолжуваат со активностите и дијалогот за поплочување на заедничкиот пат на интеграцијата“,
се вели во соопштението на МНР.
Во фокусот вчера, на првиот ден од посетата на бугарската министерка, беше опожарениот културен центар „Ванчо Михајлов“ во Битола.
Осуди за палењето на Центарот стигнаа и од македонска и бугарска страна, а сите нагласија дека се работи за вандалски чин и порачаа побрзо да се најдат сторителите.
Османи и Генчовска заеднички остро го осудија инцидентот во Битола и најавија дека двете министерства ќе продолжат да наоѓаат заемно прифатливи решенија и да ги унапредуваат билатерталните односи помеѓу двете земји.