Постигнатите извонредни резултати го вброиле Македон во престижната група лауреати на Германската математичка олимпијада, признание што се доделува на најуспешните учесници на натпреварувањето, сподели неговиот татко на социјалните мрежи
Младиот талент по математика Македон Димитровски постигна извонреден успех на Математичката олимпијада во Германија, освојувајќи два златни медали – едниот во индивидуална конкуренција по математика, другиот во математички предизвик.
Информацијата за големиот успех на младиот математичар на социјалните мрежи ја сподели неговиот татко, Владимир Димитровски.
Како што наведува тој во објавата, постигнатите извонредни резултати го вброиле Македон во престижната група лауреати на Германската математичка олимпијада, признание што се доделува на најуспешните учесници на натпреварувањето.
„Горди сме да објавиме дека Македон постигна извонреден историски успех на Германската математичка олимпијада! Со своите блескави резултати, Македон беше прогласен и во престижната група на лауреати – признание резервирано само за најдобрите од најдобрите. Овој неверојатен успех е доказ за врвен талент, огромна посветеност и достојно претставување на Македонија на меѓународната сцена. Честитки, Македон! Ти си наша гордост, инспирација и вистински шампион“,
напиша на Фејсбук неговиот татко, Владимир Димитровски.
Германската математичка олимпјада се одржуваше во градот Франкфурт, од 28 април до 3 мај.
