Кос ја посети новосадската железничка станица, каде што остави бели рози во знак на почит кон 16. трагично настрадани и изрази сочувство до нивните семејства
Еврокомесарката за проширување Марта Кос, која е во дводневна посета на Србија, им оддаде почит на трагично загинатите при уривањето на натстрешницата на железничката станица во Нови Сад.
Кос ја посети новосадската железничка станица, каде што остави бели рози во знак на почит кон настраданите.
„Дојдов во Нови Сад за да им оддадам почит на 16. животи што беа изгубени во трагедија што можеше да се спречи. Моето срце е со жртвите и нивните семејства“,
напиша Кос во објава на Икс.
I came to Novi Sad to honour the 16 lives that were lost in a tragedy that could have been prevented.
— Marta Kos (@MartaKosEU) April 30, 2025
My heart goes out to the victims and their families. pic.twitter.com/6KYUNsbjmg
Еврокомесарката за проширување Марта Кос е во дводневна посета на Србија. За време на престојот сретна со српскиот претседател Александар Вучиќ, премиерот Ѓуро Мацут и претседателката на парламентот Ана Брнабиќ.
Кос повика Србија да соработува со ЕУ на спроведување на реформите во правосудството, борбата против корупцијата, слободата на медиумите и унапредувањето на изборниот процес, за, како што рече, да може да се чуе волјата на српскиот народ. Без овие промени, како што рече, Србија нема да може да напредува.