Бригадите Ал Касам, вооруженото крило на групата Хамас, соопштија дека милитантите рано утрово се судриле со израелските сили кои ја нападнале јужната оска во Газа. Милитантите, се наведува, користеле митралези и ракети од типот „ал јасин 105“
Израелските одбранбени сили, во објава на официјалниот профил на социјалната мрежа Икс, утрово соопштија дека елиминирале голем број терористи на Хамас и погодиле приближно 300 цели, вклучувајќи платформи за противтенковски ракети и терористички пунктови во подземни тунели
Милитантите на Хамас соопштија дека утрово со митралези и противтенковски проектили ги гаѓале израелските сили во северниот и во јужниот дел на Газа, кои со тенкови и пешадија го нападнаа главниот град на енклавата, што ја зголеми загриженоста за судбината на палестинските цивили во Појасот, јавува Ројтерс.
Во последните денови Израел ги прошири копнените операции во Газа напредувајќи кон градот Газа од два правци. Како што се наведува во извештаите, тенкови се распоредени на главниот пат во Газа во правец север-југ, што се толкува како обид на израелската војска да го „пресечат“ Појасот на два дела.
Бригадите Ал Касам, вооруженото крило на групата Хамас, соопштија дека милитантите рано утрово се судриле со израелските сили кои ја нападнале јужната оска во Газа. Милитантите, се наведува, користеле митралези и ракети од типот „ал јасин 105“, односно локално произведени противтенковски проектили.
Според групата, цел на милитантите биле и два израелски тенка и булдожери во северозападниот дел на Газа.
Засега, како што пренесува „Гардијан“, ниту весникот ниту Ројтерс не можат да ги потврдат извештаите на Хамас од независни извори, а за ваквите наводи нема коментар ниту од израелската војска.
Инаку, според последните податоци на израелските одбранбени сили (ИДФ) кои утрово ги соопшти портпаролот полковник Џонатан Конрикус, израелската војска напаѓа во сите делови на Појасот Газа.
„Ќе ги фокусираме нашите активности на северниот дел на Газа, тоа е центарот на гравитација на Хамас… но продолжуваме со удари и во другите делови на Газа. Ги ловиме нивните команданти, ја напаѓаме нивната инфраструктура и секогаш кога има важна цел ја напаѓаме“,
изјави тој, пренесува Би-би-си.
Конрикус, исто така, повтори дека Израел прави сè што може за да се избегнат цивилни жртви, но го обвини Хамас дека ја користи главната болница во градот Газа – „Ал Шифа“ како место за криење на терористите.
Израелските одбранбени сили во објава на официјалниот профил на социјалната мрежа Икс утрово соопштија дека елиминирале голем број терористи на Хамас и погодиле приближно 300 цели, вклучувајќи платформи за противтенковски ракети и терористички пунктови во подземни тунели.
Over the last day, during ground operations:
— Israel Defense Forces (@IDF) October 31, 2023
🔻Numerous Hamas terrorists have been eliminated.
🔻The IAF struck terrorist targets and infrastructure.
🔻IDF combat forces struck approximately 300 targets, including:
• Anti-tank missiles posts.
• Rocket launch posts.
•… pic.twitter.com/RymFDCFrw1
Пред две недели Израел ги повика палестинските цивили од северот на енклавата да се упатат јужно од реката Вади Газа, додека нивните сили продолжуваат со одмазднички бомбардирања.
Вчера силите на ИДФ навлегоа подлабоко во северниот дел на Газа, каде што според одредени проценки се останати околу 600 000 луѓе. Во тенковската операција на израелските сили на кратко била прекината рутата за евакуација кон југ, пренесува британскиот национален сервис повикувајќи се на сведоштва од страна на Палестинците.
Американскиот Стејт департмент вчера објави дека во Појасот Газа вчера влегле 45 камиони со хуманитарна помош, со што од отворањето на преминот Рафа во Газа се испратени 150 камиони помош.
„Постигнат е напредок во обезбедувањето на испорака на основните резерви на гориво за Појасот Газа. Имаме за цел да ја надминеме таа бројка денес, утре и понатаму“,
рече портпаролот на Стејт департментот, Метју Милер.
Тој додаде дека САД ќе ги продолжат дипломатските напори со Израел, Египет, Обединетите нации и меѓународните хуманитарни партнери за зголемување на дневните испораки на храна, вода и медицински материјали во Газа.
Во меѓувреме, портпаролот на Белата куќа за национална безбедност, Џон Кирби, кажа дека САД се уверени оти наскоро ќе има значително зголемување на помошта за Појасот Газа.
Првата фаза, рече тој, е до 100 камиони дневно и додаде дека и тоа не е доволно, но сепак е драматично подобрување во однос на сегашната ситуација.
Портпаролот на Белата куќа повтори дека САД во моментов не поддржуваат прекин на огнот, што според него ќе биде само од корист на Хамас, но дека треба да се најдат привремени коридори за хуманитарна помош.