Финската премиерка рече дека како сојузник во НАТО нејзината земја ќе нуди и ќе добива сигурност и порача дека го поддржува и пристапувањето на Шведска во Алијансата кое сè уште е блокирано од Турција
Финска ќе стане 31. земја членка на НАТО откако турскиот парламент го одобри пристапниот протокол. Последна држава, која стана 30. членка на Алијансата е Северна Македонија пред три години.
Финската влада го поздрави одобрувањето на членството од страна на Турција и порача дека пристапувањето во овој сојуз ќе ја зајакне безбедноста на земјата и ќе ја подобри стабилноста во регионот.
„Како сојузници ќе даваме и ќе добиваме сигурност. Ќе се браниме едни со други. Финска стои со Шведска сега и во иднина, и ќе го поддржува нејзиниот влез“,
напиша премиерката на Финска, Сана Марин.
Турција со месеци го одолговлекуваше процесот жалејќи се дека Финска ги поддржува „терористите“.
Давањето зелено светло од турските власти следува откако претседателот Реџеп Таип Ердоган претходно месецов изјави дека Финска ја обезбедила наклонетоста на Турција по преземањето конкретни чекори за одржување на ветувањата за сузбивање на групите што Анкара ги смета за терористички и за ослободување на извозот на воена стока.
По почетокот на воената агресија на Русија во НАТО, Финска заедно со Шведска реши да го промени својот неутрален статус и да се приклучи кон Алијансата.
Меѓутоа, Турција сè уште го блокира гласањето на пристапниот протокол за Шведска.