За нова претседателка на Инспекцискиот совет, пак, е именувана Даниела Рендевска, која досега беше генерална секретарка
Актуелната претседателка на Инспекцискиот совет, Магдалена Филиповска-Грашкоска, се сели на нова функција, одлучи Владата на денешната седница.
Таа е разрешена од претседателската функција на Советот и е именувана за б.д. директорка на Фондот за здравствено осигурување (ФЗО) на Република Северна Македонија.
Со тоа е разрешен и досегашниот директор на ФЗО, Стево Крстевски.
За нова в.д. претседателка на Инспекцискиот совет, пак, е именувана Даниела Рендевска, која досега беше генерална секретарка.
Како што веќе информиравме, од денешната седница во врска со кадровските решенија, Владата препорача и разрешување на Јани Макрадули од претседател на Управниот одбор и генерален директор на „Пошта“. На Надзорниот одбор на ова акционерско друштво му препорача на него место да биде именуван Васко Стефанов, досегашен заменик-директор на Агенцијата за вработување.