Филипче: Жариштето сега е во Скопје, се смирува епидемијата во Штип и во Тетово

Посебно е критична ситуацијата во Чаир, каде што има најголем број потврдени случаи и каде што епидемиолозите се уште се соочуваат со проблеми при обезбедување контакти и давање вистинити податоци

Откако се преземаа сите мерки, за тестирање и изолација на контакти, постепено се смирува ситуацијата со коронавирусот во Штип и во Тетовско. Останува Скопје, особено населбата Чаир, каде што има најголем број потврдени случаи и каде што епидемиолозите, за жал, се уште се соочуваат со проблеми при обезбедување контакти и давање вистинити податоци, информира, на денешната прес-конференција, министерот за здравство Венко Филипче.

Семејни веселби во Охрид и во Скопје резултираа со 22 заразени, а во штипските конфекции се потврдени 126 случаи на ковид-19

„Се уште се евидентираат и прекршувања и непочитување на мерките за самоизолација, физичка дистанца и лична заштита. Контролите се засилени, а на сила е и Уредбата за државен карантин од 14 дена, на сопствен трошок, за оние што ќе ја прекршат самоизолацијата, за што решенија донесува МВР. Овој бран се уште трае, иако две од четирите големи жаришта полека спласнуваат. Сега сме сконцентрирани на сузбивање на преносот на заразата во Скопје“,

рече Филипче.

Нови 175 заболени од ковид-19, починаа 5 лица

Тој нагласи дека препораките на Комисијата за заразни болести остануваат исти дека треба апсолутно да се почитуваат.

„Пред нас е уште долга битка со вирусот. Очигледно е тука и ние ќе мораме да научиме соодветно да живееме. Мора да се почитуваат и здравствените работници и да се кажуваат вистински податоци. Заради случаи на недавање вистински информации сега уимаме случаи на здравствени работници кои се во самоизолација. Животот мора да продолжи. Не можеме да останеме затворени и цело време да живееме со рестрикции“,

нагласи Филипче.

Ковид-19: Чаир е на врвот на листата на заболени на ниво на Скопје