Има список на лекари кои се обучени за пациенти во интензивна нега, околу 200 и околу 400 медицински сестри, како и пензионирани експерти од оваа област и тие се на стенд- бај ако треба да се вклучат, доколку се стигне до бројка на заболени која актуелниот број на медицински лица не можат да го менаџираат, рече Филипче одговарајќи на новинарски прашања вечерва
Тешко е да се направи проценка со каква прогресија ќе расте бројот на заразени во следниот период. Епидемиолошките проценки с едека пикот ккај нас ќе биде за еден месец, рече министерот за здравство Венко Филипче на вечерашната прес конференција, на која одговараше на прашањата поставени преку имејл.
„Искрено верувам дека наскоро ќе имаме позитивно сценарио. И тоа е целта на мерките – намалување на социјалните контакти, ограничување во движењето. Тоа е нешто за што во светот има позитивни примери и само тие мерки доведуваат до намалување на бројот на заболени. Кинескиот град Вухан поради вакви мерки нема новозаболени“,
рече Филипче.
Филипче исто така потврди дека македонските власти изминатите недели неколку пати разговарале со претставници на Кина и официјално се обратиле за опрема и помош од оваа земја, а официјален одговор се очекува во текот на следната недела.
Министерството за здравство има список на лекари кои се обучени за пациенти во интензивна нега, околу 200 и околу 400 медицински сестри, како и пензионирани експерти од оваа област и тие се на стенд- бај ако треба да се вклучат, доколку се стигне до бројка на заболени која актуелниот број на медицински лица не можат да го менаџираат.
Во врска со тоа колку наши државјани досега с евратиле во земјава и с енаоѓаат во карантин во објекти кои ги обезбедува државата, Филипче одговор дека до денеска напладен на граничните премини во земјава се пристигнати околу 100 наши граѓани од евроспките змеји кои се сместени во објектот во Демир Капија, а во предвид се земаат и други објекти. Вкупната бројка е некаде околу 2 000 за што комуникацијата ја прави МНР. До денеска до 18 часот беше рокот до кога нашите државјани кои се затечени во страбнство требаше да се пријават во нашите претставништва за да бидат дел од хуманитарните летови за нивно враќање дома, по што треба да поминат 15 -дневен карантин во државните капацитети. Од МНР укажуваат дека е потребно време за да се обработат овие податоци по што ќе биде обајевна и точната бројка.