Најголемиот дел од новозаболените со ковид-19 во земјава заразиле на погреб во Тетово и на семеен настан во Скопје, рече министерот за здравство Венко Филипче.
Тој смета дека пред нас е мирен период и дека се видливи резултатите од рестрикциите, ограничувањето на движењето, затворените граници. Според Филипче, здравствениот систем може добро да ја менаџира ситуацијата.
„Има тренд на намалување, но има и варијации во изминатите денови. Она што на некој начин е добро што најголемиот број новодијагностицирани пациенти со ковид-19 се во врска со точно утврдени настани. Еден погреб во Тетово и еден семеен настан во околината на Скопје“,
рече Филипче.