Бројот на тестови се намалува затоа што бројот на лица за кои се сомневаме дека се заболени од ковид-19 е сѐ помал, објави вечерва министерот за здравство Венко Филипче на Фејсбук.
„Епидемијата се стишува, како што и очекувавме во овој период. Со олабавување на мерките треба да спречиме голем број на ново дијагностицирани пациенти. Затоа олабавувањето ќе оди постепено, со препораки, со задолжително носење на маски, на одржување на дистанца – само на тој начин епидемијата ќе ја држиме под контрола“,
вели Филипче на Фејсбук.
Претходно на оваа тема говореше и директорот на Институтот за јавно здравје Шабан Мемети кој во интервју за ТВ 24, одговарајќи на новинарско прашање зошто се намалува бројот на тестови рече: „Ако нема симптоми, нема епидемиолошки анкети, нема брисеви“.