Ај-ти секторот е убедливо на прво место, а вработените во оваа дејност во март во просек добиле нето-плата од 115 557 денари
Вработените во само 12 дејности во земјава имаат плата над 1 000 евра. Ова на сликовит и прегледен начин го илустрира инфографикот објавен од тинк-тенкот „Фајненс тинк“ – насловен „Кој добива плата над 1 000 евра во Македонија“, а кој се повикува на податоци од Државниот завод за статистика (ДЗС).
Станува збор за месечните нето-примања за месец март оваа година, а професиите кои носат приходи над 1 000 евра се групирани во пет категории – информации и комуникации; стручни, научни и технички дејности; транспорт и складирање; финансии и осигурување и индустрија и рударство.
Ај-ти секторот е убедливо на прво место, а вработените во оваа дејност во март во просек добиле нето-плата од 115 557 денари.
На второ место, но, условно кажано, со каскање зад ИТ-инженерите од околу 15 000 денари, се лицата кои се занимаваат со научно истражувачка дејнос и кои примаат плата од 84 003 денари, а благо зад нив се „останатите стручни, научни и технички дејности“, кои во просек добиваат плата од 83 149 денари.
Платите на вработените во секторот транспорт и складирање, телекомуникациит, воздухопловниот транспрот и производството на основни фармацевтски производи и препарати се на средината на листатат со плати кои гледано од горе надолу се движат од 75 976 и 67 041 денар.
Финансиско-услужните дејсности, производството на пијалаци, вадењето руди на метал и управувачките дејности се во долната половина на табелата, каде платите кои ги земаат вработените во овие сектори се движат околу маргината од 1 000 евра или малку повеќе над таа сума.
Дејноста која носи месечна заработувачка од 1 000 евра, но не и повеќе се осигурувањето и пензиски фондови, каде според податоците нето-платата што ја зеле вработените во овој сектор изнесува 61 240 денари. Иако на последното место, сепак и овие вработени можат да се пофалат дека се во професија која е рангирана во листата „Кој добива плата над 1000 евра во Македонија“.
Инаку, просечната нето плата во Македонија, според податоците на Државниот завод за статистика (ДЗС), на кои се повикува „Фајненс тинк“, изнесува 48 433 денари.