Многу европски земји беа принудени да ја прекинат вакцинацијата, а некои најавија тужби против американската компанија поради одложувањата
Фабриката „Фајзер“ во белгискиот град Пурс каде што се произведуваат вакцини против ковид го врати распоредот на испораки во нормала, соопшти денеска компанијата откако на 15 јануари беше соопштено дека таа ќе биде намалена поради проширување на капацитетите.
„Се вративме во нормалниот ритам на планирано производство. Влијанието е минимално и испорачавме осум отсто помалку дози отколку што првично планиравме“,
изјави портпаролката на „Фајзер“, Мари Лиза Верслден, пренесе весникот „Соар“.
Иако ова доцнење, според проценките од фабриката требаше да има ограничен ефект само за периодот од 18 до 25 јануари, тоа предизвика лавина реакции од повеќе европски земји и од ЕУ.
Многу европски земји беа принудени да ја прекинат вакцинацијата, а некои најавија тужби против американската компанија поради одложувањата бидејќи им е нарушен планот за вакцинирање на населението со тоа што добиле помалку дози од договорените.
Вакцината на „Фајзер“ се користи во најмногу земји во светот.