На прашање за содржината на преговарачката рамка и вклучувањето на билатерални прашања со Бугарија во предлогот, Писонеро не даде коментар и ги упати новинарите кон веб-сајтот на владата на Северна Македонија каде се објавени документи
Европската комисија (ЕК) преку својата портпаролка за проширување, Ана Писонеро, порача дека се следи процесот во Северна Македонија за предлог-преговарачката рамка на француското претседателство, јави дописничката на МИА од Брисел.
На новинарско прашање на редовниот брифинг за медиуми во ЕК за францускиот предлог и процесот на преговори со Северна Македонија, Писонеро изјави дека се водат консултации во земјата.
„По испраќањето на ревидираниот француски предлог, видовте дека премиерот Димитар Ковачевски најави широк процес на консултации со сите релевантни чинители. Овој процес е во тек и се разбира одлуката за овој ревидиран предлог е суверена одлука на Северна Македонија, одблиску ги следиме настаните и дебатите кои се одвиваат“,
изјави Писонеро.
На прашање за содржината на преговарачката рамка и вклучувањето на билатерални прашања со Бугарија во предлогот, Писонеро ги упати новинарите кон веб-сајтот на владата на Северна Македонија каде се објавени документи, но не даде коментар.