Со 65 гласа „за“ и три „против“, Собранието денеска ја изгласа техничката влада на чело со Талат Џафери
Евроамбасадорот Дејвид Гир со објава на платформата „Х“ му го честиташе изборот на Талат Џафери за премиер на техничката Влада.
„Честитки до Џафери за изборот за премиер. Очекуваме блиска соработка со него и со новата Влада во ова важно време во односите меѓу Северна Македонија и ЕУ“,
пишува во неговата објава.
Congratulations to PM Xhaferi upon his election as Prime Minister. We look forward to close cooperation with him and the new government at this important time in relations between North Macedonia and the EU.
— EU Ambassador David Geer (@AmbassadorEU) January 28, 2024
Со 65 гласа „за“ и три „против“, Собранието денеска ја изгласа техничката влада, по речиси двочасовна пленарна дискусија. Премиер во преодната влада е Талат Џафери од ДУИ.
На засебна седница се констатираа и заменик-министрите, како и дополнителните заменик-министри.
ВМРО-ДПМНЕ не гласаше за изборот на влада, иако доби дваjцa министри – за внатрешни работи и за труд и социјална политика.
Со ова е комплетиран составот на техничката влада која ќе функционира до изборот на нова, по редовните парламентарни избори кои се закажани за 8 мај.
За утре во 10 часот најавено е и примопредавање на функцијата помеѓу досегашниот претседател на Владата, Димитар Ковачевски, и новиот премиер Талат Џафери.