ЕВН: Арачиново и Липково со најмала, Скопје со најголема загуба на електрична енергија

Загубите се проблем на ниво скоро на цела територија на Македонија, а за Скопје особено. Скопје е регион со највисок процент на загуба. Тетово има помали загуби од Битола. Така што, не е секогаш поврзано тоа етнички и зависи од многу други фактори

Арачиново е општина која во јуни и јули има најмала загуба на електрична енергија од 10 отсто, во Липково ќе бидат под 10 отсто, а Скопје со 20 проценти е регион со најголеми загуби на електрична енергија, изјави директорот на „ЕВН електродистрибуција“, Сашо Салтировски.

Екипите на ЕВН почнаа со работа во Слупчане: „Ќе се плаќа колку што се троши, не сакаме да бидеме црна точка како што не претставуваа“

Според него, не е точно дека етничката припадност игра улога во загубата на електрична енергија.

„Не е точно дека загубите на електрична енергија во мрежата се поврзани со етничката припадност на населението. Липково ќе биде прва општина во земјава целосно покриена со смарт броила за електрична енергија и со загуби од 10 проценти, а Скопје е регион со највисоки загуби од 20 проценти“,

рече Салтировски.

Бектеши: И Слупчане и Арачиново, сите граѓани мора да плаќаат за потрошената електрична енергија

Тој вели дека во Арачиново веќе е решен проблемот со броилата и тие се надвор на улица.

„Во Арачиново броилата се надвор на улица и таму има 10 проценти загуби во јуни и во јули, така што тој проблем е веќе среден. Арачиново има загуби од 10 проценти, тоа е на ниво на технички загуби и се едни од најниските на ниво на цела Македонија. Во Слупчане проектот оди мазно и веќе се привршува така што општина Липково ќе биде првата општина во Македонија целосно покриена со смарт броила и цела општина со загуби под 10 проценти“,

рече Салтировски денеска одговарајќи на новинарско прашање при посета на лабораторијата на ЕВН каде што се врши испитување и верификација на електрични броила.

Арачиново потрошило петпати повеќе струја од лани, Бектеши не кажа дали ќе има казни за нештедачите

Како што нагласи Салтировски, ЕВН во Липково работи на загубите на енергија повеќе од 10 години, а работи и на многу други места, како што се Грчец и Батинци, но почнува проекти и во Драчево и во Лисиче.

„Загубите се проблем на ниво скоро на цела територија на Македонија, а за Скопје особено. Скопје е регион со највисок процент на загуба. Тетово има помали загуби од Битола. Така што, не е секогаш поврзано тоа етнички и зависи од многу други фактори, дали се политички или економски, но не е поврзано етнички како што беше прикажано. На пример, Кичево, Струга имаат мали загуби, а 20 проценти се во цело Скопје. И кај и да одите во Скопје, дали сте во Лисиче, дали сте во Драчево, особено во руралниот дел каде што нема колективни згради секаде има загуби. И тоа е вистината“,

додаде Салтировски.