„Нашата денешна посета ја нагласува нашата непоколеблива солидарност со Украина денес, утре и на долг рок. Вашата земја стана глобален симбол на отпорот во оваа благородна борба за слобода. Остануваме на ваша страна“, рече Фон дер Лајен за време на нејзината денешна посета на Киев на двегодишнината од руската инвазија на Украина
Европската Унија во март има намера да ги плати првите 4,5 милијарди евра на Украина, во рамките на новата програма за помош од 50 милијарди евра одобрена од Брисел на 1 февруари, а наменети за спроведување на украинскиот План за реформи и за инвестиции, објави претседателката на Европската комисија Урсула фон дер Лајен за време на нејзината денешна посета на Киев на двегодишнината од руската инвазија на Украина.
„Гледајќи напред кон иднината, Украина мора да има средства да се брани денес. Тоа е клучно за вашата безбедност и секако за безбедноста на Европа во целина. Затоа сакаме да ги зајакнеме одбранбените капацитети на Украина како дел од нашите“,
изјави Фон дер Лајен на заедничката прес-конференција со премиерите на Белгија, Александер Де Кро, на Италија, Џорџа Мелони и на Канада, Џастин Трудо, кои ја придружуваат при посетата, а на која беше и украинскиот претседател Володимир Зеленски.
Our visit underlines our unwavering solidarity with Ukraine
— Ursula von der Leyen (@vonderleyen) February 24, 2024
Your country has become a symbol of resistance and freedom
We remain at your side with critical support.
And we are committed to making Russia pay the price of its war of destruction ↓ https://t.co/JQQq6v0WV7
Потенцирајќи дека најдобра безбедносна гаранција за Украина ќе биде членството во Европската Унија, Фон дер Лајен најави дека кон средината на март Европската комисија ќе ја донесе преговарачката рамка.
„Нашата денешна посета ја нагласува нашата непоколеблива солидарност со Украина денес, утре и на долг рок. Вашата земја стана глобален симбол на отпорот во оваа благородна борба за слобода. Остануваме на ваша страна“,
рече Фон дер Лајен.
Фон дер Лајен и премиерите Де Кро, Мелони и Трудо попладнево положија и венци на Ѕидот за сеќавање на загинатите украински бранители во конфликтот со Русија.
„На Ѕидот за сеќавањето им оддавам почит на Украинците кои ја направија најголемата жртва борејќи се за нашите вредности – слобода, демократија, владеење на правото. Тие се во нашите срца и мисли. Нивното наследство живее. И ќе блесне во текот на денот кога Украина ќе победи во оваа војна“,
наведе Фон дер Лајен во објава на Икс по полагањето на венците.
At the Wall of Remembrance, I pay my respects to the Ukrainians who made the ultimate sacrifice fighting for our values.
— Ursula von der Leyen (@vonderleyen) February 24, 2024
Freedom, democracy, the rule of law.
They are in our hearts and minds.
Their legacy lives on.
And it will shine through the day Ukraine wins this war. pic.twitter.com/2SeulZsNPe
Пред тоа во текот на денот тие го посетија аеродромот „Антонов“ во Хостомел, во близина на Киев, каде се сретнаа со припадниците на украинските вооружени сили кои се распоредени во одбрана на објектот, а утрово Фон дер Лајен присуствуваше и на церемонија на примопредавање на 50 теренски возила на украинската полиција, кои се донација од ЕУ.