Своите предлози за олеснување на проширувањето на Унијата, германскиот канцелар најавува дека ќе ги изнесе на Самитот што в четврток и петок треба д асе одржи во Брисел. Една од работите што тој смета дека треба да се променат е и потребата од едногласно одлучување
Европската унија (ЕУ) треба да го олесни пристапувањето на новите членки, изјави германскиот канцелар Олаф Шолц во интервју за германската новинска агенција ДПА и ги изложи своите планови за убедување Унијата да ги „модернизира“ своите процеси.
Време е, порача Шолц, не само земјите кандидати, туку и самата ЕУ да се подготви за проширување на клубот.
„За да се случи тоа, мора да ги модернизира своите структури и процесите на одлучување. Нема да биде можно да се одлучува за сè што е решено со едногласно гласање денес, со едногласно гласање и во иднина“,
вели германскиот канцелар.
Тој додаде дека се надева дека ќе ги изнесе своите предлози на Самитот на ЕУ закажан за четврток и петок.
Шефовите на 27-те земји-членки на состанокот треба да ги разгледаат апликациите за членство во ЕУ од Грузија, Молдавија и Украина. Ова ќе дојде само една недела откако Европската комисија препорача Молдавија и Украина да станат официјални кандидати за членство.
Во моментов, потсетува ДПА, прашањата за кандидатскиот статус мора да бидат едногласно договорени од сите 27 земји-членки, но во ЕУ долго време се расправа за ублажување на ова правило. Сепак, какви било реформи во процесот може да се спроведат само доколку има едногласна поддршка.