Овој чекор е очигледно кршење на меѓународното право, како и на договорите од Минск, се истакнува во заедничкото соопштение од Мишел и Фон дер Лајен
Европската унија најави санкции откако рускиот претседател Владимир Путин го потпиша указот за признавање независност на т.н. Доњецка и Луганска народна република.
Претседателот на Европскиот совет Шарл Мишел и претседателката на Европската комисија Фредерика Фон дер Лајен најостро ја осудија одлуката на рускиот претседател Владимир Путин да продолжи со признавањето на областите Доњецк и Луганск, кои не се контролирани од властите во Украина, како независни ентитети.
„Овој чекор е очигледно кршење на меѓународното право, како и на договорите од Минск. „Унијата ќе реагира со санкции против инволвираните во овој незаконски чин“,
се истакнува во заедничкото соопштение од Мишел и Фон дер Лајен.
Унијата ја повторува својата непоколеблива поддршка за независноста, суверенитетот и територијалниот интегритет на Украина во нејзините меѓународно признати граници.
И генералниот секретар на НАТО Јенс Столтенберг го осуди потегот на Путин и ја обвини Русија дека бара изговор за инвазија на Украина.
„НАТО го поддржува суверенитетот и територијалниот интегритет на Украина во нејзините меѓународно признати граници. Сојузниците ја повикуваат Русија, на најсилен можен начин, да го избере патот на дипломатијата и веднаш да го промени своето масовно воено засилување во и околу Украина и да ги повлече своите сили од Украина во согласност со нејзините меѓународни обврски и обврски“,
се вели во изјавата на Столтенберг.