Најзагрижувачка е ситуацијата во Италија, каде што според последните податоци починале 79 луѓе, а повеќе од 2 500 се заразени
Европските влади и компании се обидуваат да најдат начини да го стават под контрола ширењето на новиот коронавирус бидејќи бројот на заразени постојано расте.
Европскиот центар за превенција и контрола на болести го зголеми нивото на ризик за граѓаните на Европската Унија поради ширењето на коронавирусот од ниско до умерено на умерено до високо, соопшти претседателката на Европската комисија, Урсула фон дер Лајен.
Според најновите информации, во светот се пријавени околу 93 210 случаи на инфекција со новиот коронавирус, а од него починале 3 203 луѓе. Во Италија, според последните податоци, починале 79 луѓе, а повеќе од 2 500 се заразени.
Шпанските власти вчера соопштија за прв смртен случај на ковид-19 во земјата. Станува збор за маж кој починал минатиот месец во источниот регион на Валенсија.