Од ЕСМ информираат дека сè уште чекале да бидат доставени понудите, по што ќе ги разгледаат и од вторник идната недела ќе ја информираат јавноста за понудите на фирмите. Доколку нема прифатливи понуди на тендерот, првиот човек на ЕСМ најави дека топланите се подготвуваат да работат на дизел
Од вторник идната недела АД ЕСМ ќе соопштат кои фирми понудиле природен гас на тендерот за снабдување на топланите. Понудите до ЕСМ компаниите требаше да ги достават до вчера.
Од ЕСМ информираат дека сè уште чекале да бидат доставени понудите, по што ќе ги разгледаат и од вторник идната недела ќе ја информираат јавноста за понудите на фирмите.
Директорот на ЕСМ, Васко Ковачевски, вчера кажа дека се очекува да пристигнат повеќе понуди за набавка на природен гас, меѓу кои треба да биде и понудата од компанијата „Пегео“ чии контакти ги достави опозицијата.
Од компаниите се побаруваат вкупно 225 милиони нормални кубни метри гас за период од шест месеци при што се номинирани месечни количини. Како што напомена директорот на ЕСМ, Васко Ковачевски, толку е потребно, ако работат ТЕ-ТО и топланите „Исток – Запад“ и „Скопје Север“.
ЕСМ претходно го повика „Макпетрол“ да достави до нив нова понуда за гас, откако компанијата соопшти дека навремено не добила побарување од ЕСМ за гас поради што не ги платила потребните количини до нивниот доставувач Гаспром за ноември.
Доколку нема прифатливи понуди на тендерот, првиот човек на ЕСМ најави дека топланите се подготвуваат да работат на дизел.