Ескобар зборува и за рокот од шест месеци што го споменува бугарскиот премиер Кирил Петков за решавање на спорот со Северна Македонија и вели дека се доволни да се решат проблемите, иако нагласува дека постои фрустрација меѓу европските партнери оти процесот не се одвива брзо
Заменик-помошникот на државниот секретар на САД за Западен Балкан, Габриел Ескобар, за Гласот на Америка на македонски вели дека зборувал со Франција за пристапните преговори на Северна Македонија со Европската Унија, и оти верува дека може да се постигне договор за кусо време.
„Веќе зборувавме со Франција. Ставивме јасно до знаење дека ние веруваме дека членството во ЕУ за сите држави од Западниот Балкан е од суштинско значење за сите нас. Веруваме дека тие се дел од Европа, веруваме дека како што ги исполнуваат условите со затворање на поглавјата треба да бидат сè повеќе интегрирани во ЕУ и мислиме дека тоа ќе биде решение за сите држави. Секоја држава што влегла во ЕУ станала подемократска, попросперитетна и постабилна“,
изјави Ескобар.
Пристапниот процес на Северна Македонија во ЕУ, нагласува тој, треба да го реши Европа, но САД силно ја поддржуваат кандидатурата.
„Ние силно ја поддржуваме кандидатурата на Северна Македонија за ЕУ, веруваме дека има завршено огромна работа, таа е веќе европска држава, културно и историски европска држава. Оттаму, сакаме да видиме да го почне процесот што е можно побрзо“,
рече Ескобар.
Тој зборува и за рокот од шест месеци што го споменува бугарскиот премиер Кирил Петков за решавање на спорот со Северна Македонија, и вели дека се доволни да се решат проблемите, иако нагласува дека постои фрустрација меѓу европските партнери оти процесот не се одвива брзо.
Целото интервју на Ескобар можете да го прочитате ТУКА.