„На средбата се разговараше за прашања поврзани со нападите на Израел на територијата на Палестина, особено на Газа, како и за напорите за соодветна и непречена испорака на хуманитарна помош во Газа и фер и траен мировен процес во регионот“, се вели во соопштението од кабинетот на турскиот претседател
Турскиот претседател Реџеп Таип Ердоган разговараше за напорите за испорака на хуманитарна помош во Газа и постигнување фер и траен мир во регионот за време на состанокот со лидерот на Хамас, Исмаил Ханије, во Истанбул, пренесува Ројтерс.
Ова го соопшти неговиот кабинет посочувајќи дека ова е прва средба меѓу турскиот претседател и делегација на Хамас на чело со Ханије откако Израел ја започна својата воена офанзива во појасот Газа.
Посетата на Ханија на Турција се одржа три дена откако Ердоган се сретна со турскиот министер за надворешни работи Хакан Фидан во Доха.
„На средбата се разговараше за прашања поврзани со нападите на Израел на територијата на Палестина, особено на Газа, како и за напорите за соодветна и непречена испорака на хуманитарна помош во Газа и фер и траен мировен процес во регионот“,
се вели во соопштението од кабинетот на турскиот претседател.
Посетата се одржа во услови на ескалација на регионалните тензии по нападот од Израел врз Иран кој се случи неделава.
Турција ја осуди израелската офанзива во Газа по нападот на Хамас врз Израел, кој се случи на 7 октомври.
Ердоган, како што пренесува Ројтерс, го нарекол Хамас „ослободително движење“, додека го критикува Западот за, како што посочил, безусловната поддршка на Израел. Анкара воведе трговски ограничувања за Израел.
„Барањата за прекин на огнот во газа не дадоа никакви резултати. Турција продолжува со дипломатските напори и во секоја можност ќе укаже на потребата за прекин на бруталноста и итен прекин на огнот. Израел еден ден ќе ја плати цената за угнетувањето на Палестинците“,
рече Ердоган.
Според него, формирањето на независна држава Палестина е клучот за регионалниот мир и воспоставувањето траен мир во регионот.
Според него, Турција досега исплатила повеќе од 45 000 тони хуманитарна помош во тој регион. На лидерот на Хамас му рекол дека од витално значење е Палестинците да дејствуваат во единство.