Министерството за здравство во соработка со Центарот за јавно здравје (ЦЈЗ) – Скопје, а со асистенција на МВР, денеска ќе направат акција да се земат епидемиолошки анкети од семејството на пациентот кој почина во приватна болница и не бил закопан според протокол за ковид-19, иако посмртниот брис му бил позитивен, соопштија здравствените власти.
За овој случај, директорот на ЦЈЗ – Скопје информираше дека семејството не сакало да се тестира и да соработува со епидемиолозите, и покрај тоа што на погребот имало 200 присутни луѓе.
Во моментов, осум вработени од приватната болница се во изолација поради контактот со пациентот кој починал и кај кого посмртно му бил дијагностициран коронавирусот.